Ambasadori i Mbretërisë së Bashkuar në Kosovë, Nicholas Abbott ka thënë se kjo javë, në të cilin do të zhvillohet takimi i dialogut në Ohër, është hap i rëndësishëm drejt njohjes reciproke mes Kosovës dhe Serbisë.
“Kjo javë është një javë e rëndësishme për Kosovën. Një hap i vërtetë drejt normalizimit të marrëdhënieve dhe njohjes reciproke mes Kosovës dhe Serbisë brenda mundësive. Kjo marrëveshje do të sjellë disa përfitime praktike dhe disa politike”, ka shkruar Abbott, transmeton teve1.info.
Tutje ambasadori britanik ka deklaruar se është koha për t’i qëndruar prapa asaj marrëveshje dhe implementimit të saj.
“Qeveria dëshiron të arrijë një plan kohor realist të zbatimit dhe e mirëpres që disa parti opozitare po ofrojnë mbështetje të dobishme. Tani është koha për t’i qëndruar prapa një marrëveshjeje dhe zbatimin të saj për të siguruar një marrëveshje që funksionon për Kosovën. Ne besojmë se funksionon”, ka shkruar tutje Abbott.
