Deputetja e LDK-së, Arjeta Abazi pas dështimit të seancës së 49-të ka deklaruar se Kuvendi nuk po arrin të ecë përpara, pasi që sipas saj LVV nuk e ka kuptuar që pushteti nuk është pronë personale.
Derisa, ajo shtoi se Kuvendi është kthyer në një teatër të stërgjatur.
“Seancë pas seance nuk po arrijmë të ecim përpara. Kuvendi është kthyer në një teatër të stërgjatur, ku për fat të keq aktorët kryesorë janë më të interesuar për skenën, sesa për skenarin. Nuk po ndalemi për ndonjë shkak të emergjencë apo fatkeqësie natyrore, për shkak të një partie që ende nuk e ka kuptuar që pushteti nuk është pronë personale”, tha Abazi./teve1.info/
