Deputeti i AAK-së, Lahi Brahimaj ka deklaruar se nuk do ta voton kandidatin për kryeparlamentar Fatmir Limajn. Ai po ashtu është shprehur se kandidaten për kryetare të Kuvendit, Albulena Haxhiun nuk do ta voton as me votë të hapur dhe as të fshehtë.
Derisa, ai ka shtuar se po të ishte prej seancës së parë votimi i fshehtë, Haxhiu do t’i merrte 61 vota nga Lista Serbe.
Ndërsa, sa i përket një marrëveshje mes Kurtit dhe Limajt, deputeti thotë se Limaj nuk ka besim te Kurti me marrë një ministri.
“Jo e kemi thënë në vazhdimësi dhe po e përsëris se AAK nuk do ta voton Fatmir Limajn për kryeparlamentar. Në asnjë rrethanë nuk do e votojë Albulenën për kryetare të Kuvendit si me votë të fshehtë si me votë të hapur…. Cilido vendim që vjen nga Gjykata Kushtetuese, AAK do ta reflekton vendimin çfarë do që të jetë. Që nga seanca e parë nëse do të hynim me votim të fshehtë Haxhiu do t’i merrte 61 vota në seancën e parë nga Lista Serbe…….Nëse ka një marrëveshje mes Limajt dhe Kurtit mendoj që Limaj nuk ka besim te Kurti me marr një ministri cilado qoftë sepse në moment të caktuar do ta shkarkonte si Agim Veliu…. Më së paku do i konvenonte Kosovës shkuarja në zgjedhje dhe NISM-ës por si do që të jetë cdo parti duhet me mendua për vete”, deklaroi ai në emisionin “Ditari” në tëvë1.
Ndryshe, presidentja e Kosovës, Vjosa Osmani ka njoftuar se sot ka dorëzuar në Gjykatën Kushtetuese kërkesë për shqyrtim të konfliktit të kompetencave kushtetuese të krijuara nga mungesa e konstituimit të Kuvendit.
Sipas Osmanit, kërkesa është paraqitur pas një situate të paprecedent në jetën institucionale të vendit dhe për qëllim ka qartësimin e pasojave juridike të moskonstituimit të Kuvendit brenda afatit kushtetues prej 30 ditësh.
Presidentja shtoi se kjo iniciativë vjen si pasojë e mungesës së dakordimit ndërmjet partive politike për formimin e institucioneve.
Sipas Osmanit, kjo bllokadë ka filluar të prekë drejtpërdrejt edhe funksionalitetin e Presidencës./teve1.info/
