Eksperti i Politikave të Sigurisë dhe Gjeopolitikës, Ilir Kulla ka deklaruar se populli shqiptar nuk është anti-serb.
Kulla ka vlerësuar se shqiptarët kanë pasur gjithmonë raporte të mira me fqinjët, përjashtimisht kur vetë fqinjët janë treguar agresiv me ta.
“Ne nuk jemi anti-serb, ne jemi popull i mirë, ne shqiptarët i kemi pasur gjithmonë raportet e mira me fqinjët, vetëm kur fqinjët kanë qenë agresiv me ne. Në fund, fatkeqësisht nën kurrizin e 7 mijë të vdekurve në Srebrenicë, pra para 30 vjetëve vetë më zë, figurë, veprime, president i Serbisë tregoi çfarë është, kush është, çfarë përfaqëson nga cila shkollë politike vjen dhe çfarë historie ka” është shprehur ai në emisionin “MATRIX” në TËVË 1.
Ai ka komentuar edhe paraqitjen e presidentit serb, Aleksandër Vuçiq në OKB, duke pohuar se e ka pëlqyer shumë.
Kulla këtë gjë e ka thënë nga pikëpamja që presidenti serb “me 3 gishta, me flamur e agresiv”, aty e tregoi se kush është në të vërtetë.
“Më pëlqeu shumë, për herë të parë foli në anglishte ato që i mendon në serbisht, se zakonisht ai kur flet në anglisht thotë fjalë të mira “ne jemi për paqe, për demokraci”, aty në atë sallë tregoi kush është i vërteti, ai i para 30 vjetësh, pra me 3 gishta, me flamur, agresiv. Nga kjo pikëpamje më pëlqeu që bëri para gjithë botës ato” ka shtuar ai.