Profesori Blerim Canaj e ka quajtur ‘budallak’ kundërshtimin e Albin Kurtit ndaj kërkesave të Shteteve të Bashkuara të Amerikës, raporton teve1.info
Canaj këtë deklaratë e bëri kur profesori Nexhmedin Spahiu tha se Qveria Kurti ka marrë vendime të guximshme, siç është ai për kundërshtimin e amerikanëve.
Ky debat u nxit kur Canaj tha se Qeveria Kurti nuk ka pas guxim të marrë vendime të mëdha siç është dërgimi i Asociacionit në Kushtetuese.
“Albin Kurti e ka pranuar Asociacionin me zotimin Brukselit madje një autonomi në Mitrovicën e veriut mirëpo tani i duhet për konsum të brendshëm për shkak se jemi në një vit zgjedhor, Albin Kurti po bënë hajgare me partitë politike. Madje edhe tash sa herë që nuk ka teme, dialogu Serbia, e krijon një temë në mënyrë që pastaj mundësisht të marrë një votë më tepër. Mirëpo iu garantoj një gjë, Asociacioni në legjislativin e ardhëm do të bëhet për shkak se e ka kry Albin Kurti këtë punë, e ka përfundu me zotimet në Bruksel dhe Ohër, le që e ka përfundu por edhe ia ka dhënë mundësinë bashkësisë ndërkombëtare që ne të kemi një draft të Asociacionit me kompetenca ekzekutive. Krejt kjo për shkak se është pritë që Albin Kurti dhe qeveria ta dërgoj një draft se si ne e shohim Asociacionin konform Kushtetutës dhe ligjeve të Kosovës por nuk ka pas guxim që i bie që ne momentalisht e kemi qeverinë më frikacake që e kemi pas ndonjëherë”, u shpreh Canaj.
Këtij iu kundërpërgjigj Spahiu duke thënë se Qeveria Kurti është Qeveria më e guximshme, duke thënë se ka pas guxim që ta kundërshtoj Amerikën.
“Nuk është Qeveria më frikacake, është më e guximshme përkundrazi, por..janë disa vendime të cilat janë të guximshme. A dëshiron veprim më të guximshëm se me i kundërshtua amerikanët”, u shpreh Spahiu.
Derisa, Canaj iu kundërpërgjigj s enjë gjë e tillë sipas tij është budallak dhe jo guxim.
“Ai është budallak. A është guxim a budallak? Nuk guxojmë me leju që një akt budallak ta quajmë guxim”, u shpreh Canaj.
Ndërsa Spahiu tha se rrugën e Asociacionit e kanë hap qeveritë e kaluara.
“Kjo me u thirr që qeveritë e kaluara e kanë mendu këtë Asociacion, ata e kanë hapë rrugën për këtë. Kurti ka arritur pazar i cili në fund në marrëveshjen Franko-Gjermane është pazar i pranueshëm nëse kjo realizohet. Ai sigurisht ka pranuar se do ta kryej Asociacionin por jo pa e kryer detyrën e vet Serbia, jo pa e ngritur flamurin e Kosovës në Beograd. Nuk është punë e vogël, ngritja e flamurit të Kosovës në Beograd nënkupton shumë gjëra, është e vërtet që është e drejtë sovrane e vendeve të NATO-s dhe atë s’mundet me ua imponu Serbia secili vendos për veten a ia jep votën Kosovës për anëtarësim në NATO a jo. Por realiteti është që 5 vendet e NATO-s që e kushtëzojnë njohjen e tyre me njohjen e Kosovës nga ana e Serbisë. Ata e kanë arsyetuar para amerikanëve, gjermanëve, që nuk mundemi me njohtë Kosovën sepse kemi probleme të brendshme”, u shpreh Spahiu.
