Përmes një komunikate për media kjo ministri ka dënuar një veprim të tillë.
“Si ngritja e kapaciteteve ushtarake serbe në kufirin me Republikën e Kosovës, ashtu dhe vendimi i pjesëtarëve të komunitetit serb për largim nga institucionet e Kosovës janë veprime me tentim destabilizimin e vendit. Dënojmë një qasje të tillë që qartazi është në kundërshtim me frymën e dialogut e po ashtu me realitetin e ri të Kosovës”, thuhet në komunikatë.
Ministria e Mbrojtjes thekson se veprimet e tilla janë pengesë që të arrihet një marrëveshje që do të mundësonte anëtarësimin e dy vendeve në Bashkimin Evropian.
“I vetmi kërcënim për komunitetin serb janë individët dhe grupet kriminale serbe të dirigjuara nga Beogradi, veprimtaria e të cilëve duhet ndalur sa më parë, dhe për këtë jemi në koordinim të vazhdueshëm me Policinë e Kosovës, si dhe me misionin e KFOR-it”, thuhet në komunikatë, raporton teve1.info.
Kjo ministri u ka bërë thirrje qytetarëve serb që të mos manipulohen nga skenarët e ndryshëm të Serbisë.
Të shtunën përfaqësuesit e serbëve të Kosovës morën vendim për largim nga institucionet e Kosovës, pas shkarkimit të drejtorit të PK-së në veri të Mitrovicës i cili kishte refuzuar vendimin e Qeverisë së Kosovës për shpërndarje të fletëqortimeve për qytetarët që lëvizin me drejtojnë autmojet me targa lokale.
Për tu kthyer në institucione, ata kanë kërkuar nga Qeveria e Kosovës të shfuqizojë vendimin për targat dhe formimin e Asociacionit./teve1.info/
