Sipas Kurtit, zhvillimet në veri mund të jenë të lidhura me planin franko-gjerman.
Nuk e dimë ne tash se çfarë ndikimesh do të ketë përpjekja e Serbisë për destabilizimin e Kosovës, mirëpo unë e di që një përpjekje e tillë do të jetë pasuksesshme, sepse shteti ynë është i fortë, duke qenë demokratik, duke qenë i rreshtuar me SHBA, NATO-në. Ka mundësi që ata nuk dëshirojnë të angazhohen në mënyrë konstruktive në dialog dhe tash kanë zgjedhur këtë rrugën tjetër, por unë besoj që të dëgjueshmit e tyre, janë pakrahasimisht strukturat e ndryshme ilegale, se sa qytetarët e vendit tonë që janë me përkatësi etnike serbe”, tha ai, pas inaugurimit të Rrjetit për Hulumtim dhe Edukim të Kosovës (KREN) në Parkun për Inovacion dhe Trajnime në Prizren.
Kurti po ashtu ka folur edhe për periudhën në javët dhe muajt në vijim rreth procesit të targave.
Ai ka thënë se është në kontakt edhe me mekanizmat e tjerë ndërkombëtarë të sigurisë, siç është KFOR-i.
“Ne jemi në kontakt dhe komunikim të vazhdueshëm, takime të rregullta edhe me organet e sigurisë ndërkombëtare siç është KFOR-i, e EULEX, por gjithashtu edhe me partnerët tanë siç është Quint. Pra ne shkëmbejmë informacione dhe përgatitemi mirë për çfarëdo mbrapshtie që mund ta bëjnë keqbërësit. Deri më tash jemi të suksesshëm në përgjithësi. Gjithmonë ka vend për përmirësim dhe besoj që qytetarët tanë nuk kanë nevojë për brenga shtesë”, ka thënë Kurti.
Kurti edhe njëherë u ka bërë thirrje serbëve të Kosovës të mos i lëshojnë vendet e tyre të punës, pasi që siç tha, ai me këtë do të dobësohen shërbimet për qytetarët./Ksp/
