Konkufca tha se Fazliu e Zhitia ishin frymëzim që mijëra djem e vajza t’i bashkohen UÇK-së.
Ai tha se Fazliu e Zhitia ishin shembull se si jepet jeta për lirinë e vendit.
“Erdhëm për t’i bërë nderimet për heronjtë tanë që e dhanë shembullin më të vyer se si jepet jeta për lirinë e atdhetar sepse ata i luftuan forcat e okupatorit. Ishin shembull që frymëzoi edhe brezat më pas. E mijëra djem e vajza u bashkuan në UÇK duke e përjetuar shembullin e tyre se si me pushkë në dorë duhet t’i dilet përpara okupatorit. Sa të ketë gjallë popull shqiptar ata do të kujtohen e do të nderohen”, tha Konjufca.
Nderime tek varret e heronjve të Kosovës ka bërë edhe Ramush Haradinaj dhe Fatmir Limaj.
Duke nderuar kontributin e tyre, ish-kryeministri Haradinaj tha se Fazliu e Zhitia janë pishtarë të lirisë.
“Jemi në nderim të heronjve Aftim Zhitia dhe Fahri Fazliu, janë pishtarët e lirisë dhe janë ata që e ndriçuan rrugën e lirisë plotë luftëtarëve të zot e të mendimtarëve të mirë dhe përulemi me respekt. Lavdi”, ka thënë Haradinaj.
Fahriu dhe Afrimi ranë më 2 nëntor të vitit 1989, në Bregun e Diellit në Prishtinë, pas një luftimi me forcat e serbe.