Vetura e djegur është e gazetarit, Bojan Bozovic i cili ka publikuar edhe pamje të veturës pranë shtëpisë së tij në Zubin Potok, raporton teve1.info
Përmes një postimi në Facebook, ai ka kërkuar që të zbulohen emrat e sulmuesve.
Ai ka bërë të ditur se vetura e tij nuk është riregjistruar së fundmi me targat RKS, por ka qenë e regjistruar në targa të Kosovës qe 16 vite.
Bozovic tutje falënderoi edhe Ambasadorin e Shteteve të Bashkuara të Amerikës, Jeff Hovenier i cili dënoi djegien e veturës dhe i quajti veprime kriminale djegien e veturave me tabela RKS.
Ndryshe, javë më parë janë djegur edhe tri vetura që janë rikthyer në targa RKS.
Vetura e parë që është regjistruar në veri, është e një rreshteri policor të Kosovës i cili ka bërë kthimin e veturës në targa RKS, të njëjtit i është sulmuar shtëpia dhe i është djegur një pjesë e saj. Poashtu, në Zveçan një qytetari serb iu dogj depo pasi ai kishte regjistruar veturën e djalit të tij, dhe së fundmi, edhe një tjetër qytetar, banor i komunave në veri, pasi ka bërë regjistrimin e veturës së tij iu dogj vetura.
E pas këtyre rasteve Policia e Kosovës i’u ka bërë thirrje të gjithë qytetarëve që të bashkëpunojnë me forcat e rendit, për ruajtjen e qetësisë publike dhe zbulimin e akteve të tilla./teve1.info
https://teve1.info/lajmet/2edhe-nje-veture-me-targa-rks-i-vihet-zjarri-ne-zubin-potok/
https://teve1.info/lajmet/2shba-i-quan-veprime-kriminale-e-frikacake-djegien-e-veturave-me-tabela-rks-ne-veri-te-mitrovices/