Ajo tha se ky model ka të bëjë me përshpejtimin e marrëveshjes dhe përfshirjen e temave të njëjta në një në mënyrë që të mos kalojnë shumë vite deri në fund të këtij procesi. Derisa shtoi se dekreton vetëm marrëveshje në përputhje të plotë me Kushtetutën e Kosovës.
“Intensifikimin e dialogut, kjo nënkupton që shumë çështje që në fillim kanë qenë të trajtohen veq e veç, në marrëveshje të ndara e që mund të merrnin vite të tëra, të grupohen në mënyrë intensive të tejkalohen dallimet dhe të arrihen marrëveshje sa më parë në mënyrë që të mos lejojmë që interesat e Serbisë dhe satelitëve të tyre të vihen në zbatim. Në javët në vijim ekipet e Makron-Schols do të na tregojnë në detaje se cilat janë çështjet se cilat mund të grupohen dhe të mund të adresohen në proces të dialogut të Brukselit”, tha Osmani.
Ajo tha se qëllimi i aleatëve të Kosovës është qëllim i mirë.
“Ajo që garantoj është kjo, qëllimi i partnerëve tanë është qëllim i mirë, që ky proces të përfundoj sa më parë dhe që asnjëherë askush nga partnerët nuk ka kërkuar nga Kosova që të hiqet dorë nga njohja. Andaj duhet t’i bëjë thirrje qytetarëve të rrinë të qenë sepse jo që po kërkohet një gjë e tillë, por nuk do t’i lejojmë të cenohet integriteti, territorialiteti i Kosovës”, tha Osmani.
Ndërsa s ai përket deklarimeve nëpër medie se Escobar ka kërkuar që marrëveshja finale Kosovë-Serbi të mos bëhet pa përfshirjen e Asociacionit të komunave me shumicë serbe, Osmani tha se një lajm i tillë është “fake news”.
“Nuk e kam atë draft në tavolinë sepse është fake news. Për shkak që qëndrimi i partnerëve tanë është i qartë në kontekstin se ata nuk thonë vetëm themelojeni Asociacionin por e përmendin që asnjë veprim i tillë nuk duhet të jetë në kundërshtim me Kushtetutën dhe Gjykatën Kushtetuese. Ai tha se nga Kosova nuk do të kërkohet asgjë që bie ndesh me vendimin e Gjykatës Kushtetuese.
Ajo çka kemi diskutuar janë parimet e përgjithshme që unë disa herë in kam diskutuar në publik dhe ajo që e kam thënë është të që asociacioni të lejohen vetëm si OJQ e as monoetnike dhe që vendimi i Gjykatës Kushtetuese nuk lejon kompetenca ekzekutive por i lejon për të lobuar për të drejtat e tyre në qeverisjen qendrore”, tha Osmani.
