Ajo në fjalimin e saj në Kuvendin e Kosovës tha se shteti ka ndërhyrje minimale nga shteti.
Sipas Bajramit, kjo nënkupton që çmimet në vend rregullohen në bazë të konkurrencës, ofertës dhe kërkesës, prandaj sipas saj, në këtë formë po riciklohen disa elemente të sistemit të kaluar.
“Ne jemi ekonomi e tregut të lirë sepse kështu e përcakton neni 10 i kushtetutës. Ekonomia e tregut të lirë nënkupton ndërhyrje minimale të tregut, ndërhyrje minimale të shtetit dhe nënkupton që çmimet rregullohen në bazë të konkurrencës, ofertës dhe kërkesës. Besoni se askush nuk ka pritje që të shpiket një rend i ri botëror, në tentativë besoj të pavetëdijshëm, mund ta deformoni konceptin të cilin ne e kemi, e që është sistemi i ekonomisë së tregut. Me këto iniciativa ligjore po i ricikloni disa elemente të sistemit të kaluar”, deklaroi Bajrami, raporton teve1.info.
Më tej, Bajrami tha se nga caktimi i çmimeve të njëjta, shtyhen drejt falimentimit mijëra dyqane në fshatra e lagje periferike të qyteteve.
“Neni 10 i kushtetutës thotë se ekonomia e tregut me konkurrencë të lirë është bazë e rregullimit ekonomik të Republikës së Kosovës. Komponentat kryesore të ekonomisë së tregut janë, prona private, zgjedhja e lirë e aktivitetit, konkurrenca dhe fitimi si forcë lëvizëse. Me këtë ligj është cenuar dhe prekur secila nga këto komponente. Me caktimin e çmimeve të njëjta dhe caktimin e marzhave bëhet edhe një dëm tjetër, shtyhen drejt falimentimit mijëra dyqane të vogla në fshatra e në lagje periferike të qyteteve”, tha ajo.
Sistemi ekonomik i Kosovës nuk është duke shkuar kah një ekonomi e tregut dhe e konkurrencës së lirë, siç parashihet me Kushtetutën e Kosovës. Kështu vlerësojnë ekspertë për çështje ekonomike.
