Komanda Rajonale-Lindje e misionit të KFOR-it ka pritur në kampin Bondsteel zyrtarë rajonalë të Policisë së Kosovës për informim publik, në kuadër të një shkëmbimi profesional që synon forcimin e komunikimit dhe bashkëpunimit ndërmjet dy institucioneve.
Sipas njoftimit të KFOR-it, pjesëmarrësit kanë shkëmbyer përvoja dhe kanë diskutuar për hartimin e mesazheve, komunikimin me mediat, përdorimin e rrjeteve sociale, rrëfimin vizual përmes pajisjeve mobile dhe përdorimin e përgjegjshëm të inteligjencës artificiale.
KFOR-i ka bërë të ditur se ky aktivitet u ka mundësuar pjesëmarrësve të mësojnë nga përvojat e njëri-tjetrit, të forcojnë marrëdhëniet profesionale dhe të përmirësojnë koordinimin.
Qëllimi i këtij shkëmbimi ishte mbështetja e komunikimit në kohë dhe të saktë me publikun.
