Pas ndeshjes, Guardiola dhe Bernardo Silva ishin shumë kritikë ndaj arbitrit, të cilin e akuzuan se akordonte faulle të paqena.
Guardiola akuzoi arbitrin për shkeljen e rregullores kur ai e anuloi golin e Manchester Cityt në “Anfield Road”.
Ankesa e tij ka të bëjë me golin e shënuar nga Phil Foden po i cili u anulua për një fauli të shkaktuar paraprakisht të cilin gjyqtari e akordoi pas konsultimit dhe shikimit të situatës me teknologjinë VAR.
“Arbitri foli me trajnerët e mi ndihmës dhe tha se nuk do të akordojë faulle të lehta dhe do të jem i qartë. Loja luhej më ritëm shumë të lartë deri tek goli i anuluar dhe nga aty ndryshoi gjithçka.”, tha Guardiola.
“Ne nuk e humbëm ndeshjen për këtë sepse askush nuk e di se çfarë do të kishte ndodhur, por ne kishim momente kontrolli dhe shënuam një gol por nuk ia dolëm që të reagonim sërish.”, shtoi ai.
Trajneri i Liverpoolit, Klopp ishte po aq i pakënaqur me performancën e gjyqtarit, aq sa u përjashtua nga ndeshja për shkak të protestave të tij.
“Pep dhe unë ramë dakord për këtë aspekt, ne nuk i kuptuam faullet që lejoheshin dhe të gjitha këto lloj gjërash, pse do ta bënit atë, për të dyja palët”, tha Klopp për “Sky Sports” pas ndeshjes.
“Le të luajmë futboll. Por ne vetëm duhet të pranojmë se ne trajnerët jemi në anën e dobët, nuk kemi fare fuqi, thjesht qëndrojmë aty.”, tha në fund Klopp.
