Sipas kryeministrit shqiptar, ky bojkot ka ardhur shkak i fjalimit të tij në Asamblenë e Përgjithshme të Këshillit të Evropës.
“Disa prej të ftuarve mbrëmë nuk erdhën në darkën e organizuar nga misioni ynë në Strasburg,megjithëse e kishin konfirmuar më parë! Nuk ndjehemi mirë pas fjalimit,ishte arsyeja.E mirëkuptueshme.S’ke si ndjehesh mirë kur dëgjon një histori horrori si sajesa e trafikut të organeve”, ka shkruar Rama në Twitter.
Teksa ka thënë se ky fjalim u ka rënë si rrufe në qiell të pastër.
“Bashkëbisedimi me ndonjërin syresh pas darkës ishte kuptimplotë. U ka rënë si rrufe në qiell të pastër! Do t’u duhet ca kohë për të analizuar faktet, kuptuar madhësinë e frikshme të gabimit të bërë një dekadë më parë dhe adresuar nevojën për korrigjimin e tij me një akt të ri. Por, është e neveritshme, që edhe për një padrejtësi kaq ekstreme dhe për një të drejtë kombëtare kaq legjitime, e kaq përtej politikës së ditës, e djathta jonë e nongratave dhe e rublave, gjen kurajon të kundërvihet e të merret me dokrra!” , tha tutje ai.
Ndryshe gjatë fjalimit kryeministri Rama kishte kërkuar të hidhen poshtë akuzat e bëra ndaj ish-krerëve të UÇK-së nga Dhomat e Specializuara./teve1.info./
