Përmes një postimi në Facebook, ai thotë se arrestimi i tyre në proces zgjedhor për “vepra të kryera shumë vjet më parë është tendencioz”.
‘’Edhe arrestimet e djeshme në Bujanoc të dy zyrtarëve aktual komunal dhe një ish zyrtari, kur veç kanë filluar veprimet zgjedhore për zgjedhjet parlamerntare, është bërë traditë e veprimit të shtetit ndaj shqiptarëve sa herë që në Luginë të Preshevës ka zgjedhje. Sepse arrestimi në proces zgjedhor, për ‘vepra’ të kryera shumë vjet më parë është tendencioz dhe frikëndjellës me qëllim të destabilizimit të situatës së përgjithsme. Ndryshe nuk mund të kuptohet arsyeja veprimit të shtetit në këtë proces zgjedhor, nëse për ‘veprën’ në fjalë ka patur argumente dhe prova edhe më herët’’, thuhet ndër tjerash në postimin e tij.
Sipas tij, arrestimet në Bujanoc janë bërë pjesë rutinë e policisë së Serbisë “secilën herë kur jemi në proces zgjedhor, sepse siç duket kjo i sjellë vota nomenklaturës sunduese në Beograd”.
‘’Serbia është vendi në të cilën, për çdo ditë e në çdo komunë, ka ‘keqpërdorime të detyrës zyrtare’, duke filluar nga presidenti i shtetit i cili, kur shpallë rezultatet zyrtare të Referendumit për ndryshimin e kushtetutës, para se ato t’i shpallë Komisioni zgjedhor republikan, thyen kushtetutën dhe bën shkelje të detyrës zyrtare’’, shkroi ndër tjerash ai./teve1.info/
