Në mbledhjen e 100-të të Qeverisë, Kurti tha se janë shkëputur dhe ndaluar ndërhyrjet politike në procesin e emërimeve të pozitave.
“Pra fillojmë me dukuritë negative që janë evidentuar dhe ndaluar në gjithë kabinetin: është miratuar e dëmshme janë shkëputur, janë ndalur ndërhyrjet politike në proces të emërimeve dhe është rritur cilësia e ekspertizës në komisione rekomanduese për proceset e rekrutimit te ndërrmarrjet publike dhe pozitat e larta tjera drejtuese”, tha Kurti.
Sipas tij, gjatë qeverisjes së deritanishme të tyre janë ngrirë mbi tre milionë euro të financimeve për shpërlaje parash.
“Janë ngrirë mbi 3 milionë euro në kuadër të financimeve të paligjshme dhe për shpërlarje parash. Për shpronësimet e dëmshme në vitin 2021 është dorëzuar në Prokurorinë Speciale kallëzim penal për procesin e shpronësimeve për projektin e ndërtimit të rrugës Prishtinë-Pejë, përkatësisht segmentin Kijevë-Klinë-Zahaq për të cilin Auditori ka gjetë shpërputhje prej 12 milionë eurosh”, shtoi ai..
Po ashtu, Kurti tha se kanë dërguar në Prokurorinë Speciale kontratat në vlerë deri në 131 milionë euro për rregullimin e shtretërve të lumenjve.
“Është bllokuar rruga në terminalin doganor në Han të Elezit dhe është bërë shpronësimi i pronave për ndërtimin e rrugës shtetërore në pikën e kalimit kufitar të Hanit të Elezit. Është dërguar raport në Prokurori për 43 milionë euro nga kontratat që i kemi trashëguar me vlerë totale 131 milionë euro kinse për rregullim të shtretërve të lumenjve pikërisht në ato lokacione kemi vërshime”, tha ai.
Tutje, kryeministri theksoi se kanë ndërprerë projektet në fushën e efiçiencës që sipas tij, kishin koston e lartë dhe ishin pa planifikim e që do ta dëmtonin shumë buxhetin.
Madje, i pari i Qeverisë tregoi se 70 për qind e projekteve në Ministrinë e Mjedisit janë në Prokurori për shkak të keqpërdorimeve të shumta.
“Është formuar taskforca për parandalimin e keqpërdorimeve në subvencionet për fermerët dhe është rritur transparenca në raport me shpërndarjen e subvencioneve shumë nga produktet industriale nuk kanë qenë të inspektuara për 2-3 vjetët e fundit. Është ndalur keqpërdorimi i buxhetit për rezervat sthetotërore, 70 për qind të lëndëve në Ministrinë e Mjedisit janë në Prokurori, janë raportuar qindra lëndë për keqpërdorime e shkelje ligjore në Polici”, shtoi ai.
Kurti potencoi se gjatë kësaj periudhe të qeverisjes kanë fituar një rast në arbitrazhin ndërkombëtar ku i kanë kursyer shtetit 65 milionë euro.
“Është fituar një rast në arbitrazh ndërkombëtar kur buxhetit të Kosovës i janë kursyer 65 milionë euro. Pastaj kemi zgjidhjen e problemit shumëvjeçar për mosnjohje të diplomave, ndalimin e operimit të institucioneve të palicensuara dhe akredituara në Shëndetësi dhe në përgjithësi janë shlyer obligimet financiare e trashëguara ndër vite dhe është reduktuar deri në eliminim numri i lëndëve përmbarimore”, shtoi ai./teve1.info/
