I ftuar në emisionin “Ditari” në tëvë1 ai thotë se dallimi mes Kosovës dhe vendeve tjera në përballimin e krizës është se në vendin tonë kanë mbetur tarifat e njëjta në të gjitha produktet.
“… tash e lidhi me disa faktorë të cilët bizneset e Kosovës dhe qytetarët janë duke e kaluar më së keqi… Dhe çka dallon Kosova me vendet tjera? Dallon shumë kanë mbetur të gjitha tarifat e njëjta qoftë esenciale që vendet tjera u kanë hequr TVSH dhe të gjitha ngarkesat, kjo mbetet kërkesë e qytetarëve. Përderisa sot një litër naftë në Maqedoni kushton 1.40 cent, në Mal të zi 1.49 te ne 1.72 dhe kjo është një hap që kanë marrë Qeveritë tjera duke heq akcizën për këtë produkt”, shtoi ai.
Shahini tha se nga vendimi i Qeverisë për çmimin tavan, naftëtarët kanë humbur 15 cent në litër, teksa tregon hapat që duhet ndërmarrë.
“Është e padrejtë, gjithmonë e përkufizon biznesin. Sot isha në takim me naftëtarë dhe treguan që javën e kaluar kur është vendosur çmimi tavan kanë humbur nga 15 cent në litër nuk duhet shteti të ndërhyjë vetëm njërën anë te bizneset. Nëse ndërhyn do të marrë pak prej vetes pak prej bizneseve”, shtoi ai.
Tutje ai foli edhe për krizën energjetike që është duke u paralajmëruar të ndodhë në vend dhe për hapat që duhet ndërmarrë.
“Krizë tjetër që po paralajmërohet është energjia elektrike, të gjitha shtetet janë duke ndërmarrë hapa konkretë. Ta marrim shembull Gjermania një shtet i fuqishëm me ekonomi dhe ndikim në ekonominë globale rriti ditë më herët çmimin e gasit që është një nga produkti shumë i rëndësishëm për ekonominë e saj për 4 cent, por heqi të gjitha ngarkesat për të”, tha ai.
Madje, Shahini shtoi se në kohën kur kishte reduktime bizneset kanë blerë deri në 100 mijë euro gjeneratorë.
“Ne në AKB ditë më herët kemi bërë një studim hulumtues me disa biznese kur ishin reduktimet se çka dhe si po ballafaqojmë pothuajse neve në një raport na ka dalë që nëse brenda dite shpenzohet më shumë se 1 milion euro derivate të naftës për të mbajtë aktive ekonominë prodhuese dhe shërbyese me derivatetet e naftës, shumica nuk kanë pasur as gjeneratorë. Ka prodhues vendorë dhe biznese që kanë blerë deri 100 mijë euro gjeneratorë sepse ne i patëm harruar gjeneratorët dhe shumica e qytetarëve të Kosovës i patën shitë gjeneratorët në vende të ndryshme arabe”, shtoi ai./teve1.info/
