I ftuar në emisionin “Ditari” në tëvë1 ai thotë se krahasuar me vendet tjera, Kosova nuk është duke bërë pako për të tejkaluar krizën.
“Të gjitha shtetet kanë bërë pako për tejkalimin e saj, kanë marrë disa hapa duke krijuar strategji në nivel kombëtar. Kosova nuk është duke bërë hapat e njëjtë me tjerat të prekura nga kriza ekonomike globale dhe për këtë kemi disa kriza të njëpasnjëshme dhe jo të menaxhueshme mirë dhe për këtë po pësojnë qytetarët dhe bizneset duke përfshirë edhe krizën e pandemisë e cila la pasoja të rënda në ekonomi edhe te qytetarët”, tha ai.
Sipas tij, problem tjetër është se vendi nuk ka ndonjë strategji për kriza të paparashikueshme gjë që e vështirëson tejkalimin e kësaj situate.
“Njëri problem tjetër është që 2021 ishte një vit i këndelljes pas mbylljes që ishte patëm një rritje të lartë ekonomike, patëm një rritje për herë të parë rreth 10 për qind që do të mbahet mend dhe kjo na dha një komoditet që ne tashmë nuk ka krizë për ne dhe jemi mirë në krahasim me vendet e ndryshme. Por kriza që erdhi tjetra dhe Kosovën e gjen të papërgatitur sepse nuk ka Kosova ndonjë strategji as A,B,C për krizat e paparashikueshme”, tha ai.
