Të njëjtit në orët e hershme të së martës në një pompë të derivateve në fshatin Tërnafc të Skenderajt kanë mbushur veturën me derivate dhe janë larguar pa e bërë pagesën.
Policia ka arritur që të dyshuarit t’i arrestoj pas një ore, raporton teve1.info
“Policia ishte përgjigjur në këtë rast dhe pasi kishte marrë përshkrimin e të dyshuarve dhe automjetit, pas një ore ka arritur të identifikoj dhe ta ndaloj automjetin në të cilin kishin qenë tre persona të dyshuar. Policia kishte ndaluar personat e dyshuar; F.M, 24 vjeçar, E.A. 18 vjeçar dhe K.R., 17 vjeçar, që të gjithë shtetas të Republikës së Kosovës”, thuhet në njoftim.
Tre të dyshuarit janë dërguar në Stacionin Policor ku gjatë intervistimit ka rezultuar se F.M ishte i dyshuar edhe për veprën penale “Vjedhje e targave”, e që i njëjti ka pranuar se targat e vjedhura i kishin vendosur në veturën me të cilën kishin marrë derivate dhe ishin larguar pa paguar.
Të gjitha veprimet hetimore i janë paraqitur prokurorit të rastit, i cili ka udhëzuar që të iniciohet rasti ,,Vjedhje e shërbimeve”, ndërsa të dyshuarit të lirohen dhe rasti të procedohet në procedurë të rregullt.