Madje ai u ka bërë apel të gjitha shtetet që nuk e njohin pavarësinë e Kosovës, ta njohin atë që të ecin përpara, shkruan teve1.info
“Këtë dua ta them veçanërisht për Kosovën. Kosova duhet të njihet nga të gjitha vendet e Këshillit të Evropës ku 12 vende nuk e kanë njohur. Ju drejtohem, ju lutemi ta njihni këtë vend si shtet të pavarur siç luftuan ata për të ardhmen e tyre, për pavarësinë e tyre dhe duhet të ulen këtu së bashku me ne, të jenë pjesë e Këshillit të Evropës dhe vetëm kështu ne mund të bëhemi më të fortë. Të gjithë duhet ta bëjmë këtë, ta njohim Kosovën dhe së bashku të ecim përpara”, tha Goncharenko.
Më tej deputeti ukrainas tha se duhet të bëjnë të pamundurën për të bërë botën të lirë, teksa shtoi se duhet filluar me Evropën.
Sipas tij, nuk duhet të ketë vrima në hartën e Evropës.
“Në përgjithësi ne duhet të bëjmë gjithçka që mundemi për ta bërë botën të lirë të gjithë planetin, por duhet të fillojmë me Evropën. Nuk duhet të ketë vrima në hartën e Evropës për një ose një vend tjetër që nuk është pjesë e Evropës dhe projektit evropian ku ne vlerësojmë të drejtat e njeriut, sundimin e ligjit dhe demokracinë”, tha ai.
E fjalimin e deputetit Goncharenko, presidentja e Kosovës, Vjosa Osmani e ka cilësuar të fuqishëm mbi të drejtën e Kosovës për t’u ulur në mesin e kolegëve evropian në KE.
Osmani në postimin e saj në Twitter ka bashkangjitur edhe fjalimin e deputetit, Oleksii Goncharenko.
“Kosova është Evropë! Një fjalim i fuqishëm nga deputeti, Oleksii Goncharenko mbi të drejtën e Kosovës për t’u ulur në mesin e kolegëve evropianë në Këshillin e Evropës. Kosova dhe Ukraina qëndrojnë në anën e lirisë, demokracisë dhe të drejtave të njeriut”, ka shkruar Osmani në Twitter.
Kosova është Evropë!
A powerful speech from MP @GoncharenkoUa on Kosovo's right to sit amongst fellow Europeans at the Council of Europe.
Kosovo and Ukraine both stand on the side of freedom, democracy and human rights. 🇽🇰🇺🇦 pic.twitter.com/e8MPP1QXiA
— Vjosa Osmani (@VjosaOsmaniPRKS) October 11, 2022
Ndërsa, nënkryetarja e Kuvendit të Kosovës, Saranda Bogujevci ka folur në emër të Kosovës ku fjalimi i saj është pritur me duartrokitje.
Duke folur për luftën në Ukrainë, Bogujevci ka treguar se edhe vet është e mbijetuar e një masakre.
“Mendjet, zemrat dhe lutjet tona janë me ju (Ukrainën). Ne e dimë në atë se çfarë po kaloni. Unë vet jam e mbijetuara e një masakre”, theksoi Bogujevci në fjalën e saj në Këshillin e Evropës./teve1.info
