Trajneri i Prishtinës, Ismet Munishi ka folur pas humbjes ndaj Dukagjinit, duke thënë se klubi meriton të respektohet më shumë.
Prishtina pësoi disfatë në kuadër të xhiros së 10-të të Superligës me rezultatin 1-0 në stadiumin “Fadil Vokrri”.
“Krijuam shumë raste. E kishim edhe posedimin e topit. Por, nuk ka pasur disa situata të qarta. Duhet të jemi më syçelë. Mua më brengosin disa gjëra të tjera, të cilat nuk do t’i them tash. Klubi i Prishtinës duhet të respektohet nga të gjithë. Nuk jam i kënaqur me rezultatin. E kemi marrë klubin në gjendje të vështirë por nuk do të dorëzohemi, pavarësisht se sulmohemi nga të gjitha anët”, ka thënë Munishi.
Prishtina me këtë humbje mbetët në kuotën e 12 pikëve.
