Në seancën që po mbahet në Kuvend, Tahiri theksoi se po të mos ishin opozita, asnjë marrëveshje ndërkombëtare nuk do kishte mundur të kalonte deri sot, përcjell teve1.info
“Është interesant, po kërkoni bashkëpunimin tonë, po në anën tjetër përmes video-mesazheve po ju tregoni qytetarëve qysh opozita po e lufton këtë vend, tash me forma tjera. E ne deri sot, në fakt, fatmirësisht në secilën inicitaivë të rëndësishme për këtë vend, ju kemi përkrahur, ju kemi mbështetë. Pra ju, mos me qenë ne, asnjë marrëveshje ndërkombëtare nuk kishit mujt me kalu deri sot”, tha ai.
Tutje, deputeti i PDK-së iu drejtuar deputetëve të VV-së duke u thënë se “videot e tilla janë një jargan shumë i vogël me mbulu atë dështimin të madh të juajin”.
Tahiri shtoi se si GP i PDK-së sot nuk do të votojnë projektligje të cilat u propozuan nga VV-ja për të hyrë në rend dite, si dhe kërkoi nga ministri i Financave, Hekuran Murati të reflektojë dhe t’ua paguajë mësimdhënësve pagat. /Teve1.info/
