Ai tha se shpreson që nuk do të ketë nevojë për kriza të reja e për të pasur takime si sot, teksa shtoi se për Shqipërinë është e rëndësishme që BE-ja të mos ketë një mur por të jemi të gjithë së bashku, raporton teve1.info
“Nga ky takim do të vijojmë të ndërtojmë diçka shumë të rëndësishme për të gjithë komunitetin e vendeve dhe popujve të Europës. Shqipëria është pjesë e rajonit që është Ballkani Perëndimor. Për ne është tepër e rëndësishme që BE të mos ketë një mur, por të jemi të gjithë së bashku”, ka thënë Rama para gazetarëve.
Ndryshe, në këtë samit ka arritur edhe presidentja e Kosovës, Vjosa Osmani dhe shumë presidentë të tjerë me ftesë të presidentit të Këshillit Europian, Charles Michel dhe kryeministrit të Çekisë, Petr Fiala, me qëllim të nxitjes së dialogut politik dhe forcimit të bashkëpunimit për t’i adresuar çështjet më urgjente të sigurisë dhe stabilitetit në Evropë.
