Sipas komunikatës, njësitë e Doganës në Pejë kanë konfiskuar rreth 2.5 kilogram ari pa mbulesë dokumentacioni.
Ndërkohë, në vazhdimësi të rastit të dorëzuar nga Policia e Kosovës në Prishtinë, ku një qytetari iu gjetën sasi ari pa mbulesë dokumentare, njësitë e Doganës në konsultim me Prokurorinë
Themelore në Prishtinë kanë vazhduar me kontrollim në argjendarinë në Pejë, nga ku dyshohet se ka rrjedhur shmangia e arit nga detyrimet doganore.
“Njësit e Doganës kanë ushtruar kontroll tek lokali i të dyshuarit, ku edhe tek i njëjti janë gjetur edhe 2.4 kg ari i përpunuar pa dokumentacion përcjellës. Në konsultim me Prokurorinë është bërë kërkesën për sekuestrim të përkohshëm të mallit dhe me pastaj me vazhdimin e procedurave të tjera penale. Në total është sekuestruar 6.1 kg ari i përpunuar”, thuhet në njoftim.
Sipas komunikatës, Dogana e Kosovës në bashkëpunim me autoritetet kompetente do të vazhdojë të ushtroj kontrolle në kuadër të realizimit të detyrave dhe përgjegjësive të saj, me qëllim parandalimin e veprimtarive ilegale në të gjithë territorin e Republikës së Kosovës.
Dogana e Kosovës fton qytetarët të njoftojnë secilin rast të sjelljes jo etike të zyrtarëve doganor në numrin e telefonit 080050095.