Përmes një statusi në Facebook, Veliu ka shkruar se në Kohën e inflacionit sipas tij më të lartë që nga paslufta në Kosovë, Qeveria i ka ndëshkuar mësimdhënësit duke ua ndalur pagat.
“Në kohën e inflacionit më të lartë që nga paslufta, ngritjes enorme të çmimeve dhe kur qeveria e mashtrimit po paralajmëron dimër të rëndë energjetik, shumica e mësimdhënësve nuk do të marrin paga as në nëntor.
Pagat e tyre do të jenë peng i bankave, duke paguar dy këste të kredisë e me kamata ndëshkuese.
Prandaj, më shumë se kurrë nevojitet reagim dhe presion opozitar e qytetar mbi qeverinë e mashtrimit që pagat e mësimdhënësve të procesohen menjëherë”, ka shkruar Veliu.
Sipas tij, greva në arsim u bë qëllimshëm nga Qeveria Kurti.
