Shtëpia e librit, përkatësisht Biblioteka Kombëtare Universitare e Kosovës “Pjetër Bogdani” ishte nikoqire e promovimit të veprës së Lutfije Vokshit, “Të jetosh mes ankthit dhe shpresës” që përmbledh rrëfime nga familjarët e personave të zhdukur.
Pjesëmarrësit në promovimin e këtij libri të zonjës Vokshi, e vlerësuan lartë punën e saj, por edhe përmbajtjen emocionale.
“Në këto rrëfime shpërfaqet një realitet i trishtë i luftës në Kosovë, ku civilë të paarmatosur, të moshave e gjinive të ndryshme janë rrëmbyer në prani të familjarëve dhe ende nuk dihet për fatin e tyre. Këto rrëfime përveç që janë një thirrje për institucionet shtetërore të bëjnē më shumë për të pagjeturit, personazhet e rrefimeve sikur ua lehtëson barren e dhimbjeve që u rëndon ndër vite”, thuhet në parathënien e këtij libri.
Në dhjetë rrëfimet e familjarëve që ka mbledhur Lutfije Vokshi, shpërfaqet tmerri që kanë përjetuar familjarët, dhe duke mos pasur se ku të drejtohen, i rrëfehen letrës. Dëshmitë se “Vëllain e qitën në litarë”, “I kemi pa muret me gjak dhe sharre të druve”, flasin për horrorin nëpër të cilën kaluan personazhet e librit “Të jetosh mes ankthit dhe shpresës”, që u promovua këtë javë.
Në këtë artikull, mund të lexoni online edhe librin me rrëfimet e familjarëve të personave të pagjetur: LIBRI-I-ne versioni final (1) (1).pdf
