Përmes një konference për medie, Price ka thënë se metoda më e mirë për ta bërë këtë është sanksionimi.
“Një nga qëllimet tona kur bëhet fjalë për Ballkanin Perëndimor është të punojmë me qeveritë për ta hequr korrupsionin”, ka deklaruar ai.
Po ashtu, Price ka thënë se Ballkani Perëndimor përveç se është tërheqës për botën perëndimore si një rajon dinamik, është atraktiv edhe për Rusinë dhe Kinën.
“Interesat tona të përbashkëta dhe vlerta tona të përbashkëta përbëjnë predikatin për një marrëdhënie që në shumë mënyra është unike dhe e dallueshme nga vizionet e një marrëdhënieje që Rusia dhe Kina do të kishin për rajonin”, ka shtuar ai.
SHBA-të, sipas Price është janë të interesuar për të qenë partnerë kryesorë të Ballkanit Perëndimor.
“Një nga qëllimet tona kur bëhet fjalë për Ballkanin Perëndimor është të punojmë me qeveritë dhe me njerëzit e rajonit për të synuar, për të hequr dhe çrrënjosur korrupsionin. Dhe sanksionet janë një mjet i rëndësishëm për ta bërë këtë”, ka thënë Price.
Kurse, i pyetur se çka mendon për thirrjen e ish kryeministrit të Malit të Zi, Dritan Abazoviq, drejtuar SHBA-së për ndihmë Ballkanit Perëndimor kundër ndikimit të Rusisë dhe Kinës në rajon, Price është përgjigjur se nuk ka dyshim që Ballkani Perëndimor është një rajon dinamik që është tërheqës për vendet në mbarë botën.
“Sigurisht, është tërheqëse për arsye të ndryshme si për PRC ashtu edhe për Rusinë. Ne besojmë – dhe kjo është pika që kemi bërë publikisht dhe në angazhimet tona private me vendet e Ballkanit Perëndimor – se interesat tona të përbashkëta dhe vlerat tona të përbashkëta përbëjnë predikatin për një marrëdhënie që në shumë mënyra është unike dhe e dallueshme nga vizionet e një marrëdhënieje që Rusia ose PRC do të kishin për rajonin”, ka deklaruar Price.
