Mjekiqi tha se Qeveria Kurti e ka përkrahjen opozitës nëse e qon një marrëveshje gjithëpërfshirëse në dialog me Serbinë nëse i plotëson tri parakushte.
“Ne shpresojmë që do të arrihet një marrëveshje gjithëpërfshirëse e cila do t’i përmbahet tri parakushteve kryesore. E para do të jetë që të ketë njohje reciproke. E dyta që të njihen kufijtë aktual të Kosovës. Dhe e treta që të njihet po ashtu edhe rregulli kushtetues dhe të respektohet ky rregull kushtetues… Kemi një momentum sepse Qeveria aktuale e ka shumicën dhe mund të qojë një marrëveshje e cila i ka këto tri kritere duke fituar edhe përkrahjen e shumicës edhe partive opozitare por normalisht edhe qytetarëve”, tha ajo në Tëvë1.
Ajo në emisionin “ResPublika” tha se LDK-ja ka kërkuar nga Qeveria që të ketë një marrëveshje të tillë në mënyrë që Kosova të mos kthehet tek çështjet teknike por të shfrytëzohet ky momentum.
“Ne kemi qenë të zëshëm për të kërkuar nga Qeveria e Kosovës që të dialogojë për këtë marrëveshje gjithëpërfshirëse në mënyrë që të mos mbetemi apo të kthehemi tek pjesa teknike e të dialogojmë për disa çështje të cilat janë tejet teknike sepse është në interes të Kosovës të shfrytëzohet ky momentum i cili është krijuar qoftë në nivelin ndërkombëtar qoftë edhe në nivelin vendor”, tha Mjekiqi./Teve1.info/
