Sipas PK-së, vrasja ka ndodhur nga pakujdesia, ku i dyshuari i cili kishte qenë për gjueti-rekreacion kishte qëlluar me armë zjarri të ndierin.
“Raportohet se i dyshuari mashkull kosovar derisa kanë qenë për gjueti-rekreacion, nga pakujdesia ka qëlluar me armë zjarri viktimën mashkull kosovar duke i shkaktuar lëndime vdekjeprurëse. Vdekjen e viktimës e ka konstatuar ekipi mjekësor në QKUK”, thuhet në raportin e PK-së.
Për vrasjen e cila ka ndodhur të dielën kanë folur për teve1.info edhe nga Prokuroria Themelore në Prishtinë.
“Prokurorja kujdestare nga Departamenti i Krimeve të Rënda është njoftuar nga Policia për një rast që ka ndodhur sot në Kolovicë, me ç’ rast e njëjta i është përgjigjur vendit të ngjarjes bashkë me njesitë e tjera relevante. Një person ka ndërruar jetë si pasojë e plagëve të marra nga një armë zjarri, ku me urdhër të prokurorit është dërguar në IML për obduksion, derisa një person tjetër është shoqëruar në stacion policor. Prokurori i Shtetit në koordinim me policinë janë duke i ndërmarrë veprimet hetimore nga vendi i ngjarjes me qëllim të ndriçimit të gjitha rrethanave të këtij rasti”, ka thënë zëdhënësja e kësaj Prokurorie Laureta Ulaj./teve1.info/
