Bajrami në një postim në Facebook, thotë se viti 2021 ishte vit postpandemik, andaj sipas saj, rritja ekonomike aspak nuk i atribuohet Qeverisë.
Për pakon e Ringjalljes Ekonomike, Bajrami i ka kërkuar që t’i publikojnë listat e përfituesve.
“Për këto qindra miliona euro të shpërndara vetëm ju dhe ministri Murati jeni në dijeni sepse në asnjë raport nuk figurojnë. Për çudi asnjëherë nuk publikuat asnjë listë të përfitueseve apo “50 top përfitueseve”. Publikoni listat e përfitueseve, sepse transparenca është veti e domosdoshme e qeverisjes së mirë, një prej kartave me të cilat i keni ardhë në pushtet”, ka shkruar ajo.
Për rritjen e të hyrave të Doganës, ATK-së dhe eksporteve, Bajrami tha se këto janë rritur shkaku i rritjes së çmimeve, duke shtuar se Kosova është e para në rajon për inflacion.
Po ashtu, deputetja e LDK-së, ka përmendur edhe Marrëveshjen me MCC-së, ku tha se për këtë meritor nuk është Kurti, por këtë e ka gjetur të gatshme.
Sipas saj, meritore për këtë marrëveshje ka qenë presidentja Jahjaga e Qeveria Mustafa.
“Nuk je meritor për këtë, e ke gjetë të gatshme. Bëhu i guximshëm dhe thuaj faleminderit ish presidentes Jahjaga. Qeveria Mustafa i ka plotësuar të gjitha kushtet e vëna nga MCC-ja. Qeveria juaj e ka vetëm një “meritë” që e ka ndryshu destinimin e fondeve prej projektit të gazifikimi në bateri”, tha më tej ajo.
E në fund, Bajrami i thotë “Bravo” Kurtit, për themelimin e Institutit për dokumentimin e Krimeve të luftës. /teve1.info/
