Trajneri francez, Alan Giresse të premtën ka publikuar listën e Kosovës për dy ndeshjet e muajit shtator në Ligën C të Ligës së Kombeve.
Në listën e ftuar ishin plot 26 futbollistë. Në këtë listë, Giresse ka përfshirë tre futbollistë nga Superliga. Të ftuar ishin në këtë listë ishin edhe mbrojtësit Leart Paqarada dhe Mërgim Vojvoda.
Megjithatë të dy futbollistët nuk do të jenë në grumbullimin e Kosovës për dy sfidat e muajit shtator. Paqarada në sfidën e fundit ka pësuar një lëndim, por që ende nuk dihet shkalla e lëndimit.
Ndërsa, Vojvoda ia ka komtuar lajmin Giresse se nuk do të jetë pjesë e këtyre ndeshjeve, pasi ka pësuar lëndim muskulor, dhe do të jetë jashtë fushave së paku për dy jave.
Mungesa e dy futbollistëve ka shkaktuar kokëqarje te Giresse, megjithatë mbetët enigmë se kush do të jetë zëvendësimi i këtyre dy mbrojtësve.
Njëri nga emrat që po përflitet për zëvendësimin e Vojvodës, është mbrojtësi i Ballkanit, Armend Thaqi i cili ka shkëlqyer në sfidat parakualifikuese, por edhe në fazën grupore të Ligës së Konferencës me portokallinjët. /Tëvë1/
