Me këtë rast Kurti kujtoi sulmin e kullave binjake të 11 shtatorit në SHBA duke thënë se populli i Kosovës qëndron pranë popullit amerikan, shkruan teve1.info.
“Memorialin që kujton këtë ngjarje dhe na e përkujton të mos e harrojmë kurrë se lira dhe demokracia duhet të mbrohen përherë sepse ato vazhdimisht janë në rrezik. U prehshin në paqe të gjitha viktimat dhe jetoftë përgjithmonë miqësia dhe partneriteti midis Republikës së Kosovës dhe Shteteve të Bashkuara të Amerikës”, tha ai.
Kryeministri Kurti tha se Shtet e Bashkuara të Amerikës e dëshmuan edhe pas 11 shtatorit se janë komb i njerëzve të lirë dhe të barabart dhe se nuk bëjnë kompromise me vlerat e tyre.
“21 vite më vonë ne nderojmë kujtimin për viktimat dhe shprehim dhembshurinë e solidaritetin tonë për atë ngjarje të rëndë dhe për familjet dhe gjithë kombin amerikan”, shtoi Kurti./Teve1.info/
