Historia e futbollit kosvarë pritet të shkruhet sot në stadiumin që mbanë emrin e legjendës “Fadil Vokrri”. FC Ballkani në ora 18:45 mirëpret kampionin rumun Cluji në kuadër të grupit G në Ligën e Konferencës.
Therandasit janë skuadra e parë kosovare që marrin pjesë në fazën grupore në një kompeticion madhor evropian, dhe si rrjedhojë po e shkruajnë me penë të artë historinë e futbollit kosovarë.
Kampioni rumun llogaritet si favorit në këtë takim, duke marrë parasysh përvojën e gjatë në garat evropiane, një ashtu edhe buxhetin që e ka shumëfish me të lartë se Ballkani.
Edhe pse Cluji llogaritet si favoritë në këtë sfidë, duke marrë parasysh përvojën në garat evropiane, ekipi therandas pritet të luajë futboll të hapur.
Gjithashtu të ekipi therandas është bërë me dije se janë përgatitur në aspektin tekniko-taktik, për shkak se në aspektin emocional lojtarët kanë treguar personalitet dhe pjekuri në ndeshjet e raundeve kualifikuese.
Gjithsesi kujtojm që për Ballkanin është debutim në fazën grupore të Ligës së Konferencës. Asnjë ekip i Kosovës nuk ka arritur deri më tani në grupet e garave kontinentale në futboll.
Kështu që ndeshja e së enjtes mbrëma është e veçantë për Ballkanin dhe futbollin kosovar në përgjithësi.
Portokallinjët paraqitjen e parë në garat evropiane e nisi në rrethin e parë kualifikues të Ligës së Kampionëve. E eliminua nga Zhalgirisi i Lituanisë dhe u zhvendos në Ligën e Konferencës që është niveli i tretë i kupave evropiane.
Në kualifikimet e Ligës së Konferencës eliminoi skuadrat si La Fiorita nga San Marino, Klaksvik nga Ishujt Faroe dhe Shkupin e Maqedonisë së Veriut. Tani i ka të sigurta edhe gjashtë ndeshje evropiane, tri prej tyre në stadiumin në Prishtinë. /Tëvë1/
