Në një konferencë për media, Zogaj tha se kjo është bërë duke tentuar që të cenohet pavarësia e sistemit gjyqësor në vend.
“Do themi e ka targetu në mënyrë shumë tendencioze, të papranueshme duke tentuar të cenohet pavarësia e gjyqësorit por jemi për me konfirmu që sistemi gjyqësor ka probleme, por si institucion KGJK që administron me drejtësinë është krejtësisht i vendosur për ta mbrojtur pavarësinë dhe për ta promovu”, tha ai.
Tutje, Kryesuesi i KGJK-së ka folur edhe për deklaratat e ministres së Drejtësisë, Albulena Haxhiu se nuk kanë pasur qasje në statistikat e këtij institucioni.
Sipas Zogajt, këto deklarata janë krejtësisht të pavërteta, të paarsyeshme dhe të papranueshme nga ta.
Madje, i ka përmendur edhe disa nisma që janë bërë në KGJK, duke thënë se i kanë mundësuar një qasje më të lehtë të të gjitha institucioneve, përfshirë edhe MD-në, në punën e Këshillit.
“Duke pasur parasysh faktin që kishim një deklatat të Ministrisë që KGJK e ka pengu në statistika, diçka që është krejtësisht e pavërtetë, e paarsyeshme dhe e papranuehsme nga KGJK pasi që siç është i njohur edhe për publikun, KGJK ka ndërmarrë një numër të madh të nismave për rritjen e transparencës në gjyqësor dhe po përmendi vendimin e 28 korrik 2021 ku është vendosur të transmetohen mbledhjet e KGJK-së drejtpërdrejt. Është vendosur që kryetarët e Gjykatave të raportojnë drejtpërdrejtë, Asambleja e Gjykatave takimet t’i mbaj drejtëpërdrejt. Është me rëndësi të kuptohet se më 7 tetor 2021, KGJK ka nxjerrë një vendim që e aprovon projektin për menaxhimin informativ të lëndëve dhe me këtë vendim themelohet mekanizmi përcjellës për harmonizimin e statistikave për vepra të ndryshme penale që nënkupton se i kemi dhënë akces të plotë të gjitha institucioneve pa përjashtim përfshirë edhe MD-në”, shtoi Zogaj./teve1.info/