Këtë deklaratë Kurti e bëri të ditur në një konferencë për medie të përbashkët me ministren e Drejtësisë, Albulena Haxhiu, shkruan teve1.info.
Ai tha se Vettingu është produkt i nevojave të shoqërisë dhe shtetit teksa thekoi se procesin e Vettingut do ta vendos në duart e deputetëve të republikës së Kosovës.
“Puna e nisur nuk mund të mbarojë pa Vettingun dhe sigurimin që institucionet e parandalojnë krimin, gjykatat japin dënimet e merituara, burgjet rehabilitojnë të dënuarit, kurse qytetarët kthejnë besimin në rendin dhe ligjin, e ndjehen të sigurt, e që për detyrë e ka shteti”, tha Kurti.
Kryeministri gjatë konferencës foli edhe për rastin e dhunimi të 11 vjeçares duke thënë se Gjyqësori përkundër të gjitha garancive kushtetuese ngjanë sikur po mundohet ta dëshmoj të kundërtën
“Kur kuptojmë që kryerësi i i veprës penale ka qenë i dënuar për vepra penale dhe gjendet i lirë, kur dështon zinxhiri institucional përgjigjes për ndjekjen penale, polica, prokuroria dhe gjykata dështon drejtësia kurse faturën e paguan qytetari. Gjyqësori ynë përkundër të gjitha garancive kushtetuese ngjanë ikur mundohet ta dëshmoj të kundërtën…. Nuk ka alternativë ndaj vettingut në sistemin gjyqësor dhe prokurorial”, tha Kurti.
Në fund Kryeministri Kurti bëri të ditur se pas konferencës do të takohet me kryetarin e Kuvendit të Kosovës, të cilit thotë se do t’ia dorëzojë dokumentin përkatës./Teve1.info/
