“Për ne është shumë e rëndësishme që kësaj nisme t’i bashkohen jo vetëm të gjitha vendet e rajonit, por edhe Turqia, Greqia, Italia apo Hungaria”, ka thënë Rama gjatë një takimi me liderët e tjerë të rajoni në Beograd.
Ndërkaq, Rama ka treguar se një homolog i tij, anëtar i BE-së, ka shprehur indinjatën pse nuk janë të ftuar në “Open Balkan”.
“Po diskutonim ‘Ballkani e Hapur’, dhe një koleg kryeministër nga një vend i Bashkimit Evropian më tha ‘po ne pse nuk jemi ftuar’. I thashë do ta diskutojë me kolegët e mi dhe me siguri do të jemi të hapur të ju ftojmë, dhe më vjen shumë mirë që po shohim shenja se po vjen dita që duan të ftohen në “Ballkanin e Hapur” gjithmonë e më shumë vende që i përkasin atyre hapësirave ku ne kemi kaq shumë vite që presim të ftohemi“, ka thënë tutje Rama.
Po ashtu, ai tha se Ballkani është po kaq i rëndësishëm për Evropën, sa është edhe Evropa për Ballkanin.
