Kjo pasi që siç thonë ata: presidenti serb, Aleksandër Vuçiq, të dielën para politikanëve dhe qytetarëve serbë të Kosovës, do ua tregojë skenarin e zbatimit në momentin kur institucionet e Kosovës do t’i vendosin masën reciproke Serbisë për dokumentet hyrje/dalje, e që është paralajmëruar se do të ndodhë me 1 shtator.
Drizan Shala, ekspert i sigurisë thotë se Vuçiq, do të tentojë ta kthej situatën në veri siç ishte para vitit 2011.
Mirëpo, për ta evituar një skenar të tillë, Shala thotë se Njësia Speciale duhet të dërgohet në veri, para datës 1 shtator, atëherë kur qeveria e Kosovës ka paralajmëruar vendosjen e masave reciproke ndaj Serbisë.
Për ekspertin tjetër të sigurisë, Bedri Elezi, skenari i presidentit serb është shkaktimi i një konflikti të armatosur në atë pjesë të Kosovës dhe faji t’u mbetet institucioneve kosovare. Madje, ai shton se për një gjë të tillë tashmë ka informacione nga shërbimet sekrete.
Gjatë së premtes u raportua se KFOR-i ka shtuar numrin e pjesëtarëve në veri. Nga ana tjetër shefi i diplomacisë së BE-së Josep Borrell, paralajmëroi se do t’i takojë krerët e institucioneve të Kosovës e Serbisë para datës 1 shtator, pasi takimi i fundit përfundoi pa marrëveshje.
Kronikë e realizuar nga gazetari Arton Rama
