Përmes raportit 24-orësh, PK-ja ka bërë të ditur se të mërkurën në Gjilan një grua ka raportuar se vajza e saj e mitur ka dalë nga shtëpia me shoqet e saj dhe nuk është kthyer.
Sipas Policisë, lidhur me rastin është informuar prokurori, ndërsa njësitet policore janë duke hetuar rastin.
“Rr. Kumanova, Gjilan 17.08.2022 – 22:00. Ankuesja femër kosovare ka raportuar se vajza e saj e mitur, viktima femër kosovare, ka dalë nga shtëpia (me shoqet e saj) dhe nuk dihet vendndodhja e saj. Lidhur me rastin është informuar prokurori, ndërsa njësitet policore janë duke hetuar rastin”, thuhet në raportin e PK-së. /teve1.info/
