Shkruan: Magbule Shkodra
Përkundërfaktit, se po ballafaqohemi me probleme të ndryshme të përditshmërisësi p.sh. ngritja e çmimeve, reduktimet e energjisë,pamundësia e lëvizjes se lire dhe shume të tjera, ne vazhdojmë të mbajmë vëmendjen se çka do të ndodhë në Bruksel.
Pra, fjalën e kam për takimin ndërmjet kryeministrit Kurti dhe Vuçiqit. Lehtësuesit e dialogut, përfaqësuesit e BE realisht tani me janë sa për sy e faqe në këtë proces. Krejt çka mund të ndodhë është të ketë marrëveshje për marrëveshjet. Pra, jo diçka substanciale që do t’a lëvizte Kosoven nga kjo status quo.
Momentalisht nuk ka ndonjë angazhim serioz për marrëveshjen përfundimtare me njohje reciproke ndërmjet Kosovës dhe Serbisë. Edhe pse, rrethanat gjeopolitike të krijuara me realitetin e dhimbshëm që po e përjeton populli i Ukrainës nga sulmet e Rusisë do të duhej të ndikonin që angazhimi i shtetevete fuqishme perëndimore të ishte maksimal drejt përforcimit të sigurisë në Ballkan, duke e sjellur Serbinë në pozitë që përfundimisht të zgjedhë rrugën e saj, kah perëndimi apo mbështetëse e Rusisë.
Kjo trysni ndaj Serbisë do të mund të ushtrohej duke e detyruar që të nënshkruajë marrëveshjen përfundimtare me Kosovën. Në këtë mënyrë Serbia do të dëshmonte se është e rreshtuar kah perëndimi dhe një kohësisht Ballkani do të ishte vend më i sigurtë. Rusia do të humbte një aleate në Ballkan.
Jam e bindur se vetëm SHBA do të mund të realizojë këtë, kuptohet me “lehtësuesin/fasilituesin” BE.
Kryeministri Kurti duhet të insistojë në çdo mundësi që ka,qoftë takim, samit apo paraqitje publike të kërkojë marrëveshjen përfundimtare me njohjereciproke.
Mjaftmë ping-pongut në takimet e Brukselit.
Opinioni përmban pikëpamjet e autorit dhe nuk prezanton qëndrimet editoriale të tëvë1.info
