Bislimi theksoi se themelimi i LPK-së ka rezultuar me bashkimin e organizatave patriotike te asaj kohe që kanë qenë Organizata Marksiste Leniniste e Kosovës (OMLK) e përfaqësuar nga Kadri Zeka, Fronti i Kuq nga Ibrahim Kelmendi dhe Lëvizja Nacional Çlirimtare e Kosovës dhe e Viseve të tjera Shqiptare në Jugosllavi (LNÇKVSHJ) nga Jusuf Gërvalla.
Teksa tha se bashkimi nuk ka ndodhur si rezultat i një takimi, por sipas tij, kjo ka qenë rezultat i një pune të gjatë përgatitore dhe shumë takimeve e sidomos është rezultat i demonstratave gjithpopullore që ndodhën në Kosovë.
“Bashkimi ka ndodhur atë natë më 17 janar 1982 dhe dëshmorët e parë të këtij bashkimi kanë qenë vet Jusufi, Kadriu e Bardhoshi. Jusufi, Ibrahim Kelmendi kanë qenë përfaqësues të tri organizatave që kanë arritur marrëveshjen e bashkimit edhe e kanë bërë bashkimin, pra themelimin një organizatë që e kanë quajtur “Lëvizje”, në kuptimin e gjithëpërfshirjes, mbarkombëtare”, tha ai.
Veprimtari Bislimi në emisionin “Ditari” tha se Lëvizja Popullore e Kosovës ka qenë një organizatë atdhetare, çlirimtare e cila është udhëhequr me idenë qëndrore dhe themelore, e cila sipas tij, ka qenë lufta për çlirimin e tokave të pushtuara nga Jugosllavia. /teve1.info/