Në njoftim thuhet se në Mitrovicë ishte raportuar për të shtëna me armë dhe si rezultat i reagimit të shpejtë të policisë është konfiskuar një armë e llojit pistoletë me kater fishek dhe 13 gëzhoja, raporton teve1.info
“Një armë është konfiskuar në Mitrovicën e Jugut, pasi ishte raportuar për të shtëna me armë në rrugën e “Hekurudhës ” ku si rezultat i reagimit të shpejtë të njësive policore ka rezultuar që në lokacionin ku kishte aheng familjar është konfiskuar një armë e llojit pistoletë me katër (4) fishek dhe 13 gëzhoja”, thuhet në njoftim.
E në fshatin Çubrel të Skenderajt, Policia pas pranimit të informacioneve për të shtëna me armë zjarri ka konfiskuar një armë të llojit pistoletë dhe nga i dyshuari ka konfiskuar edhe 11 gëzhoja.
“Ndërsa, konfiskimi i një arme tjetër të llojit pistoletë është realizuar në fshatin Çubrel të Skenderajt, ku pas pranimit të informatës për të shtëna njësia policore ka identifikuar lokacionin ku kishte aheng familjar, me ç’ rast nga i dyshuari kanë konfiskuar armen dhe njëmbëdhjetë (11) gëzhoja”, thuhet në njoftim.
Në cilësi të të dyshuarve janë arrestuar dy persona, të cilët dyshohet se kanë përdorur armët, ndërsa pas procedurave intervistuese dy të dyshuarit me urdhër të prokurorit janë liruar për procedurë të rregullt.
Ndaj tyre janë iniciuar raste për veprat penale ‘përdorim i armës’, ‘mbajtje në pronësi , kontroll të paautorizuar të armës’.
