Policia e Kosovës ka bërë të ditur se rasti ka ndodhur dje rreth orës 17:15, ku i dyshuari ishte duke qarkulluar në rrugën Pejë- Mitrovicë, i njëjti duke mos iu përshtatur kushteve të rrugës e ka goditur viktimën.
Sipas Policisë, fëmija është dërguar në QKMF- Istog e më pas në Spitalin Rajonal në Pejë, ku si pasojë e lëndimeve fëmija ka ndërruar jetë.
“Ju informojmë se me datë 15 gusht 2022, rreth orës 17:15, policia është informuar për një aksident trafiku i cili ka ndodhur në fshatin Kovrag- Istog. Në këtë aksident ishin të përfshira një veturë dhe një këmbësor (fëmijë). Deri te aksidenti ka ardhur deri sa i dyshuari ishte duke qarkulluar ne rrugën Pejë-Mitrovicë, i njëjti duke mos ju përshtatur kushteve tё rrugës e godet viktimën tё cilit i shkakton lëndime tё rënda trupore, i njëjti dërgohet nё QKMF-Istog e me pas nё Spitalin Rajonal nё Pejë, dhe si pasojë e lëndimeve fëmiu ndërron jetë, kёtё e kanë konfirmuar ekipi mjekësor”, thuhet në njoftimin e PK-së.
Nga Policia kanë thënë se me urdhër të Prokurorit të shtetit, trupi i pa jetë i viktimës dërgohet në Institutin e Mjekësisë Ligjore në Prishtinë për Obduksion, ndërsa i dyshuari dërgohet në mbajtje. /teve1.info/
