Ai ka thënë se një dimër mesjetar po na vjen, teksa ka shtuar se Qeveria po i rrudhë krahët.
Mustafa përmes një postimi në Facebook, u shpreh se familjet kosovare këtë dimër do të duhet të zgjedhin bukë të shtrenjtë, dru, pelet e rrymë për ngrohje, raporton teve1.info
“Me këtë ritëm, me këtë paaftësi qeverisëse, nuk përjashtohet situata ku çerdhet, shkollat, qëndrimet ditore nuk do të kenë me çka t’i ngrohin klasat e tyre. Do t’i detyrojnë prindërit t’i kthejnë fëmijët në shtëpi… ku as atje s’kanë ngrohje e as rrymë. Kush do t’i kryej punët e këtyre prindërve në vendet e tyre të punës… ku s’ka as ngrohje e as rrymë?”, ka shkruar ai.
Mustafa theksoi se çmimet e produkteve esenciale janë rritur për 14,2%
Postimi i plotë:
Dimër mesjetar po na vjen. Qeveria rrudhë krahët… as frigoriferi i famshëm s’do të ju ketë rrymë.
Reduktimet e rrymës 6-2 në mes të gushtit. E në dimër?
Dhe peleti mbi 400 euro.
Dhe drunjtë drejt 100 euro.
E kur s’punon KEK-u s’do të ketë as ngrohje qendrore.
Çmimi i rrymës pritet të dyfishohet.
Çmimet e produkteve esenciale, si ushqimi, deri sot janë rritur për 14,2%. E deri në dhjetor?
Këtë dimër familjet kosovare do të duhet të zgjedhin bukë të shtrenjtë apo dru/pelet/rrymë të shtrenjtë për ngrohje… nëse do të mund të gjejnë dru/pelet/rrymë për të blerë.
Me këtë ritëm, me këtë paaftësi qeverisëse, nuk përjashtohet situata ku çerdhet, shkollat, qëndrimet ditore nuk do të kenë me çka t’i ngrohin klasat e tyre. Do t’i detyrojnë prindërit t’i kthejnë fëmijët në shtëpi… ku as atje s’kanë ngrohje e as rrymë. Kush do t’i kryej punët e këtyre prindërve në vendet e tyre të punës… ku s’ka as ngrohje e as rrymë?
