Rama në konferencën e përbashkët me homologun nga Spanja, tha se qëndrimi i këtij vendi ndaj pavarësisë së Kosovës ka të bëjë direkt më këtë vend dhe jo që ky vend ka ndonjë paragjykim apo diskriminimi ndaj qytetarëve të Kosovës.
“Kemi folur për Kosovën, dihet që Spanja ka një pozicion të ndryshëm dhe tradicionalisht të pa lëvizshëm që lidhen direkt më Spanjën dhe që nuk kanë të bëjnë me asnjë lloj diskriminim apo paragjykimi ndaj Kosovës”, ka thënë Rama shkruan teve1.info.
Ai ka thënë se kanë diskutuar edhe për zhvillimet në veri, ku i ka quajtur të panevojshme përshkallëzimet.
“Kemi diskutuar edhe për zhvillimet mbrëmë ku ka pasur një përshkallëzim të panevojshëm, pasi Qeveria e Kosovës ka jo vetëm të drejtën por detyrim zbatimin e ligjshmërisë dhe mbrojtjen e sovranitetit”, tha Rama.
Rama ka përshëndetur vendimin e Qeverisë së Kosovës për shtyrje të zbatimit të vendimit dhe i ka bërë thirrje Serbisë të heqë dorë nga provokimet.
