Në votimin në OKB për mbështetjen e veprimtarisë së agjencisë humanitare UNRWA, Maqedonia e Veriut u rreshtua mes vetëm 9 shteteve që votuan kundër rezolutës.
Maqedonia e Veriut, ishte i vetmi shtet evropian që votoi kundër.
Skënder Rexhepi – Zejd, politikan shqiptar nga Maqedonia e Veriut, kryetar i partisë Lëvizja Populli ka reaguar ashpër për këtë vendim.
“Ironia bëhet edhe më e madhe kur dihet se vetëm pak ditë më parë, më 12 nëntor, Bashkimi Evropian kishte riafirmuar publikisht mbështetjen për mandatin dhe veprimtarinë humanitare të UNRËA-s. Pra, ndërsa BE-ja mbështet ndihmën humanitare për refugjatët palestinezë, Qeveria e Mickoskit zgjedh të votojë kundër rezolutës. Kjo dëshmon se politika e jashtme dhe diplomacia e Maqedonisë së Veriut janë gjithçka tjetër, përveçse evropiane! Në një kohë kur miliona palestinezë kanë nevojë për ushqim, arsim dhe kujdes shëndetësor, Qeveria duhet t’u shpjegojë qytetarëve arsyet e këtij vendimi.TURP!”, ka shkruar Skënder Rexhepi në rrjetin social “Facebook”.









