Inspektorati Qendror i Punës ka ndërprerë përkohësisht punimet në dy objekte ndërtimi, një në Rahovec dhe një në Gjakovë, pas parregullsive të evidentuara gjatë inspektimeve.
Sipas njoftimit të këtij institucioni, vendimi për ndalimin e punimeve është marrë për shkak të shkeljeve në fushën e sigurisë dhe shëndetit në punë, me qëllim të parandalimit të rrezikimit të jetës dhe shëndetit të punëtorëve.
Punimet në këto dy objekte do të mbeten të ndërprera deri në eliminimin e parregullsive dhe krijimin e kushteve të sigurta për punë.
“Siguria dhe shëndeti i punëtorëve mbeten prioritet i Inspektoratit Qendror të Punës”, thuhet në njoftim./teve1.info/









