Ecjen në këtë formë nuk e ka fare problem.
E shkathtësitë me përdorimin e topit në këtë mënyrë, janë të nivelit më të lartë.
Por, përveç ecjes, profesor Agim Agushi, nuk e ka problem zhonglimin e topit as gjatë ngjitjes së shkallëve.
E pikërisht në këtë mënyrë, Agushi po synon t’i ngjis edhe 3 mijë e 476 shkallët e kullës më të lartë në botë.
Këtë rekord, profa nga Smira e Vitisë, po synon ta thyej në Burxh Halifa me 28 Nëntor.
“Në vitin 2010, kur e kam nisur rekordin në botërorë në mes të rrugës Frankfurt të Gjermanisë, gjatë intervistave të mediave botërore, aty e kam potencuar se synimi im kryesor është të realizojë rekordin në ndërtesën më të lartë në botë. Nuk e kam pasur idenë se është Burj Khalifa, kam mendu se janë ato kullat e paleleport në Malaizizë, ka 88 katëshe. Mirëpo, doli që Burj Khalifa. Në nga 2014 unë e kam pasur përpjekje që të më i jepet leja për ta sfiduar rekordin Guinness në Burj Khalifa, mirëpo nuk më është, jo që nuk më është dhënë leja, mirëpo është dashur me bërë një kërkesë nga presidenti edhe kryeministri i shtetit të Kosovës”, ka thënë ai për Tëvë1.
E sfida e radhës e njeriut që i theu mbi 20 rekorde botëror të Ginis-t, është goxha e madhe.
Për këtë, u deshën edhe përgatitje të shumta.
“Janë 160 kate është ndërtesa, 3476 shkallë, 828 m lartësi. Prej 160 kateve, domethënë të katit janë problematika ekstreme. Me problematika ekstreme të shkallëve për shkak tavanit që është tepër ultë, edhe lartësia e shkallëve është 18-18 cm e gjysmë, që e vështirëson, ngjyra e murit është krejt errët, dritat të pengojnë. Mirëpo për këtë edhe Guinnessi nuk e ka paraparë si rekord që mund të ndodhë, ka dikush një njeri në këtë botë që mund të bëjë diçka me bërë në atë ndërtesë”, tregon Agushi.
Për këtë ngjarje që pritet të merr vëmendje të madhe, profesori nga Vushtrria, e zgjodhi pikërisht ditën më të dashur për shqiptarët.
“…kur shkova në korrik e pashë që vështirësitë e mëdha janë në shkallët e Burj Khalifës, jo shkallë standarde, kulmi, domethënë tavani i shkallëve është poshtë, që do të thotë duhet me u krusur, është shumë për me realizuar atë rekord dhe e përcaktua me menaxhmentin e Burj Khalifës 28 nëntorit, sepse edhe mbulohet tërë Burj Khalifa me flamurin kuqezi, për ditën e pavarësisë së Shqipërisë”, thotë Agushi.
E në këtë sfidë Agushi do të këtë pranë vetes edhe nipin e tij i cili synon të thyej rekordin duke vrapuar shkallëve të Burj Khalifes.
Ngjarja është caktuar të mbahet në orën 10:00, sipas kohës lokale në Dubai, apo 07:00 e mëngjesit në Kosovë.
