Superliga e Kosovës në futboll, do të vazhdojë edhe këtë javë me xhiron e saj të rregullt përpara se të pushojë për dy javë shkaku i ndeshjeve të Kombëtareve.
Sot, të shtunën dhe të dielën, në tri orare të ndryshme, do të zhvillohen ndeshjet e xhiros së 13-të.
Pothuajse të gjitha përballjet janë interesante, por ndeshja që do ta ketë vëmendjen kryesore është ajo ndërmjet Gjilanit dhe Malishevës, e cila luhet të shtunën nga ora 16:00.
Të shtunën, por prej orës 13:00 do të jetë përballja ndërmjet Feronikelit ’74 dhe Ballkanit që luhet në stadiumin “Rexhep Rexhepi” në Drenas.
Kjo xhiro e Superligës nis sot me duelin Dukagjini – Llapi nga ora 17:00 për t’u mbyllur të dielën me ndeshjet Drenica – Drita dhe Vushtrria – Prishtina që startojnë në orën 13:00.
