Pas pranimit të një informate se një person i dyshuar pas një mosmarrëveshjeje me një person tjetër, kishte ekspozuar armën, në orët e pasdites të datës 4 nëntor 2026, Policia në Skenderaj ka konfiskuar një armë zjarri.
“Njësitë policore kanë ndërmarrë veprimet e nevojshme, me ç’rast nga i dyshuari është konfiskuar një armë zjarri e llojit pistoletë, së bashku me një fishek”, shkruhet në njoftim.
Pas intervistimit dhe ndërmarrjes së veprimeve të nevojshme policore, me urdhër të prokurorit kompetent, i dyshuari është liruar dhe rasti do të procedohet në procedurë të rregullt.
