Kryeministri Albin Kurti, së bashku me deputetë të Lëvizjes Vetëvendosje, kanë bërë homazhe pranë varrit të Astrit Deharit, në 10-vjetorin e vdekjes së tij.
Në këtë përvjetor, homazhe kanë bërë edhe zyrtarë të tjerë shtetërorë, familjarë dhe qytetarë, duke përkujtuar aktivistin e Vetëvendosjes, i cili vdiq në Qendrën e Paraburgimit në Prizren më 4 nëntor 2016.
Ndërkohë, në orën 11:00, familja Dehari pritet të mbajë konferencë për media para objektit të Prokurorisë Speciale.
Lidhur me rastin, më 3 nëntor, kryeprokurori i Shtetit, Zejnullah Gashi, ka pritur familjarët e Deharit për të dëgjuar shqetësimet dhe qëndrimet e tyre.
Gashi ka ritheksuar se zbardhja e plotë e rrethanave të vdekjes së Astrit Deharit është obligim institucional, duke shprehur angazhimin që rasti të trajtohet me profesionalizëm dhe të marrë epilog përfundimtar.
Astrit Dehari vdiq më 4 nëntor 2016, derisa po mbahej në paraburgim nën dyshimin për sulmin ndaj Kuvendit të Kosovës me granatahedhës, më 4 gusht të po atij viti.
